Ә сезнең урам чистамы?

 Кеше — табигатьнең бер ки­сәкчеге. Көндәлек мәшәкатьләр белән без ул хакта уйланмыйбыз гына.  Әйе, экологик культура, әхлак кагыйдәсе буларак, һәркай­сыбыз­ның тирә-як мохит сафлыгы өчен җаваплылыгыннан башлана. Ул, шулай ук, үсеп килүче яшь буынны тәрбияләүнең аерылгысыз өлеше дә. Тиздән Май бәйрәмнәре. Кунакка еракта яшәүче дусларыбыз, туганнарыбыз да кайтыр. Гаиләдә балаларга уңай үрнәк күрсәтик, экологик әхлак кагыйдәсен үтәргә өндик, аларны тирә-юньне пычратмаска, табигать­кә игътибарлы булырга өйрәтик. Үзебез дә чиста, матур яшәүче­ләрдән өйрәник. Таби­гатькә, димәк, үз-үзебезгә зыян салмыйк!