Фәнил абый беренче!

Биредә ел буе үзеннән экологиягә өлеш керткән иң-иңнәрне бүләкләделәр. Табигать сагында торучылар арасында сәнәгать оешмалары да, балалалар бакчасы коллективлары да, мәктәпләр, вузлар, хәтта актив гаиләләр, журналистлар да бар.

Массакүләм мәгълүмат чараларында экология темасын яктырткан иң яхшы язма номинациясендә "Теләче-информ" мәгълүмат үзәге журналисты Фәнил Нигъмәтҗанов 1 урынны яулады. Хезмәттәшебезне әлеге зур җиңүе белән чын күңелдән котлыйбыз һәм алга таба да иҗат уңышлары телибез!