Гадилеге, кунакчыл һәм ачык йөзле булулары белән үзенә тартып торган кешеләр бар
Андыйлар янында вакытның үткәне дә сизелми. Теләче авылында яшәүче Тамара һәм Николай Кондратьевлар яшәүнең мәгънәсен, тормышның кадерен белеп, тирә-юньдәгеләргә үрнәк булып гомер кичерә.
Бар нәрсәләре дә җитеш, тормышлары түгәрәк аларның. Гомумән, тормышта куелган максатларга ирешү өчен ныклы ихтыяр көче, тырышлык, үҗәтлек кирәк- аларның икесенә дә хас бу сыйфатлар. Без, “Теләчеинформ” мәгълүмат үзәге хезмәткәрләре, бу матур гаилә янында кунакта булып кайттык. Сәбәбе – Бөек Җиңүнең 77 еллыгын каршы алган көннәрдә районда узган чарада катнашкан гаиләгә Рәхмәт хаты тапшыру иде. Әлеге ике пар бер-берсен сайлап бер дә ялгышмаган. Гаиләдә алар һәрвакыт үзара терәк булып, аңлашып, бер-берләренә юл куеп яши- бу аралашуларыннан ук сизелә. Тамара апа чәчәкләр ярата икән - бакчасында нинди генә төрдән чәчәкләр үстерми ул. Әлеге гаиләгә алга таба да матур тормыш, сәламәтлек теләп кайттык.
Зөлфия Ибраһимова.
Следите за самым важным и интересным в Telegram-каналеТатмедиа
Нет комментариев