Иҗат концертлары дәвам итә
Районыбыз мәдәният бүлегенең махсус карары нигезендә быелгысы елның 1 февраленнән авыл мәдәният йортларында эшләп килүче берләшмәләрнең иҗади отчет-концертлары башланып китте.
18 һәм 21 февраль көннәрендә Ямбулат һәм Урта Мишә авылы клубы берләшмәләре мәртәбәле жюри һәм авыл халкы алдында “имтихан” тотты. Һәвәскәр берләшмәләрнең иҗади чыгышларыннан тыш әлеге авылларның клуб җитәкчеләре Кәримуллина Альфира (Ямбулат) һәм Сәгъдива Филүсә (У.Мишә) чарада катнашучыларга берләшмәләрнең эшләрен чагылдырган күргәзмә тәкьдим иттеләр. Урта Мишә авыл клубы тәкъдим иткән чарада тамашачылар гармунчылар ансамбле, “Шаян сәхнә” берләшмәсе чыгышларын аеруча яратып карады.
Следите за самым важным и интересным в Telegram-каналеТатмедиа
Нет комментариев