“Игенче” - кабат җиңүче

Муниципаль район башлыгы Нәҗип Хаҗипов җитәкчелегендә узган киңәшмәдә  терлекчелек тармагындагы тәҗел темаларны яктыртып, район авыл хуҗалыгы һәм азык-төлек идарәсе җитәкчесе Ралиф Низаметдинов, район ветеринария берләшмәсе җитәкчесе Илгизәр Гарипов, “Россельхозцентр”ның район бүлеге җитәкчесе Илдар Галиәхмәтов чыгыш ясады.

Азактан, июнь аенда терлекчелек тармагында  куелган хезмәт нәтиҗәләре буенча авыл хуҗалыгы предприятиеләре арасында беренче урынга кабат җаваплылыгы чикләнгән “Игенче” ширкәте терлекчеләре чыкты. Мактаулы приз - Ат сыны ширкәт җитәкчесе Рафис Яхинга, Теләче муниципаль район башлыгының Рәхмәт хатлары - белгечләргә, җылы одеаллар - терлекчеләргә тапшырылды. Икенче һәм өченче урыннарда - җаваплылыклары чикләнгән “Агролак” һәм “Алан” ширкәтләре.

Аналитик материалларга бай булуы белән аерылып торган  киңәшмә турында тулырак “Теләче” газетасының киләсе саныннан укый аласыз.

Фәнил Гаязов