Инвестицион проектлар каралды
6 декабрь көнне муниципаль район Советының кече утырышлар залында муниципаль район башлыгы Нәҗип Хаҗипов, район авыл хуҗалыгы һәм азык-төлек идарәсе җитәкчесе Ралиф Низаметдинов һәм “Нәүрүз” кооперативына караган Теләче сөт-май комбинаты җитәкчесе Раилә Хисмәтуллина белән берлектә авыл хуҗалыгы предприятиеләренең 2023 елга инвестицион проектларын карады.
Чарада җаваплылыклары чикләнгән “Чулпан”, “Алан”, “Игенче”, “Агролак” ширкәтләре, “Низамов М.Х.”, “Әхмәтова Г.Ф.” крестьян-фермер хуҗалыклары җитәкчеләре һәм икътисадчылары катнашты. Очрашуда игенчелек, терлекчелек тармагында җитештерүчәнлекне арттырып, югары рентабельлеккә ирешү мәсәләләре каралды. Әлбәттә, моның өчен югары технологиягә ия, заманча терлек тораклары булу шарт.
- Сыерларны бәйләп асраудан китәргә кирәк. Төзелешне алып бару өчен хуҗалыкларга партнер буларак Теләче сөт-май комбинаты ярдәм итә ала. Җәйге айларда минималь бәя белән, һәм кыска срокларда терлек торагы төзеп чыгу кулдан килмәслек эш түгел, - диде сөйләшү барышында муниципаль район башлыгы Нәҗиип Хаҗипов.
Фәнил Гаязов.
Следите за самым важным и интересным в Telegram-каналеТатмедиа
Нет комментариев