Бүген бәйге кысаларында сезгә Шәтке урта мәктәбенең 7 сыйныф укучысы Рәзилә Габделхәеваның шигырен тәкьдим итәбез.
Югалмас Туган телем
Туган телем минем - татар теле,
Бөек Тукай язган моңлы тел.
Гасырлардан-гасырларга күчкән,
Энҗе-мәрҗәннәрдәй затлы тел.
Кимсетелү-кагылулар күреп
Яшәсә дә, һаман югалмый.
Бер егыла, тагын торып баса,
Горур башын түбән иялмый.
Тукай агабызның “Милли моң”ы
Буыннан-буынга чакыра.
Шушы хисләр белән, ялкынланып,
Атлыйбыз без һаман гел алга.
“Тәфтиләү”дән алган җылылыклар,
Сафландырып, нечкә күңелне,
Ана догасыдай , озата бара
Олы юлдан барган ул-кызны.
Туган телем – моңлы Тукай телем,
Югалмыйча, һәрчак яшә син!
Башка телләр безнең телгә карап,
Ак көнләшү белән көнләшсен.
Нет комментариев