Бүген барлык мөселманнар Ураза бәйрәмен билгеләп үтә. Ураза гаете – мөбәрәк һәм бөек бер көн.
Бу бәйрәм шатлыклы вакыйга булса да, без Рамазан аеның шулай тиз үзып китүенә бераз сагышланабыз. Кардәшләребез белән ифтар мәҗлесләрендә очрашулар, иңне-иңгә куеп тәравих намазлары уку, моңлы итеп тәравих тәсбихләре әйтү — барысы да якты истәлек булып артта кала бара. Аллаһ Раббыбыз безнең уразаларыбызны, кылган догаларыбызны кабуллардан кылсын һәм киләсе Рамазан айларына да исән-имин ирешергә, сәламәт булып уразалар тотарга насыйп әйләсен. Ураза бәйрәме һәр йортка җылылык, шатлык, үзара аңлашучанлык, тынычлык, хәерле тормыш һәм муллык алып килсен.
Чын йөрәктән һәммәгезгә дә сәламәтлек, игелекле эшгамәлләр, уңышлар, бәхет телибез!
Котлы булсын изге бәйрәмебез!
Муниципаль район Советы, муниципаль район башкарма комитеты.
Нет комментариев