Матурлык бәйгесе дәвам итә

Бәйгене Теләче муниципаль районы Башкарма комитеты һәм «Теләчеинформ» мәгълүмат үзәге оештыра. 

Әлеге бәйгедә түбәндәге номинацияләр буенча катнаша аласыз:

- «Төзекләндерү буенча иң яхшы авыл җирлеге " - (1, 2, 3 урын);

- «Иң матур ишегалды " (1, 2, 3 урын);

- "Төзекләндерү буенча иң яхшы предприятие (учреждение, оешма)" (1, 2, 3 урын).

Бәяләү критерийлары: территорияне бизәүдә иҗади инициатива күрсәтү; ял итү урыннары (беседкалар, эскәмияләр) булу; матур итеп бизәлгән клумбалар, газоннар булу һәм аларны карап тоту; территорияне җыештыру, ремонтлау, төзекләндерү һәм яшелләндерү буенча уртак эштә авыл халкының да катнашуы.

Смотр-конкурс ике этапта үткәрелә: бәйгедә катнашу өчен гаризалар 2022 елның 10 августына кадәр кабул ителә; 2 этап-урыннарга чыгып нәтиҗәләр ясау – 2022 елның 29 августына кадәр. Катнашу өчен гаризалар түбәндәге адрес буенча кабул ителә: Теләче авылы, Болынлык урамы, 6 а йорт, e-mail: tulinf@rambler.ru («Теләчеинформ» ).