Профилактик акция узды

admin, 24 декабрь 2024 - 14:50

343

24 декабрь көнне Теләченең үзәк урамында юл хәрәкәте иминлеге дәүләт инспекциясенең район бүлеге хезмәткәрләре - полиция лейтенанты Ленар Кыямов һәм полиция майоры Салават Каюмов, “Юл хәрәкәте иминлеге” дәүләт бюджет учреждениесенең Саба районы бүлеге җитәкчесе Гүзәл Ягъфәрова, Иске Җөри урта мәктәбенең Яшь юл инспекторлары, “Беренчеләр хәрәкәте” әгъзалары белән берлектә “Засветись! - Ялтырап тор!” дип исемләнгән профилактик акция үткәрде.

Чара барышында алар Кыш бабай (Равил Насыйбуллин) белән бергә машина йөртүчеләргә, җәяүлеләргә яктылык кайтару элементларының әһәмияте турында сөйләделәр, белешмәлекләр, яктылык кайтаручы жилетлар, билгеләр, фонарьлар бүләк иттеләр, якынлашып килүче Яңа ел бәйрәме белән котлап, хәерле юллар теләделәр.

Фәнил Нигъмәтҗанов

Следите за самым важным и интересным в Telegram-каналеТатмедиа