Сертификат тапшырдык

Күптән түгел "Теләче" газетасына язылучылар арасында "Языл һәм бүләк от" акциясе узды. Акция районда  өченче тапкыр уздырыла.  Әлеге бәйгебездә катнашу өчен редакциягә 300 гә якын  райондашыбыздан  “Теләче” газетасына  6 айга язылганлыкны раслаган квитанцияләр алдык. Хәтерләсегез,  төп приз – бозауны Олы Кибәхуҗа авылында яшәүче  Миннебаевлар гаиләсе отты. Быелгы чараның  төп спонсоры - Олы Мишә авылында эшчәнлекләрен алып баручы “Әхмәтова” крестьян-фермер хуҗалыгы. 4 март көнне әлеге гаиләгә, төп бүләкне алу  өчен сертификат тапшырылды.