“Талантлы яшьләр - халкыбыз горурлыгы”

Фестивальнең бу этабында һәр авыл җирлеге, график буенча бер сәгатьтән дә ким булмаган эчтәлекле концерт программасы белән чыгыш ясарга тиеш. Икенче этапны, ягъни финал өлешен 15 марттан - 25 мартка кадәр үткәрү күздә тотыла. 2023 елның 25 мартында, мәдәният хезмәткәрләренең һөнәри бәйрәм көнендә, район мәдәният йортында фестивальнең гала-концерты узачак. Биредә тантаналы шартларда фестивальнең җиңүчеләренә өч яшь категориясе буенча дипломнар һәм кыйммәтле бүләкләр тапшырылачак. Дүртенче фестиваль - Милли мәдәниятләр һәм традицияләр елына багышлап үткәреләчәк. Фестивальдә районыбыз биләмәсендә яшәп иҗат итүче коллективлар, 16-35 яшьлек аерым башкаручылар катнаша ала. Конкурс программасы түбәндәге номинацияләрдән тора: “Вокал- соло”, “Вокаль ансамбльләр”, “Хореография”, “Конферанс”, “Нәфис сүз”, “Инструменталь жанр”, “Вокаль - инструменталь жанр”, “Иҗади гаилә”, “Stand-Up” - юмористик миниатюра, җырлар, импровизацияләр, “Радуга идей” - Идеяләр салават күпере” халык һөнәрчелеге һәм декоратив гамәли сәнгать конкурсы”, “Халкым байлыгы” - фольклор коллективлар конкурсы. Катнашучылар өч яшь категориясенә бүленә: 16 яшьтән 21 яшькә кадәр, 22 яшьтән 29га кадәр һәм 30 яшьтән 35кә кадәр.