«Теләче йолдызчыгы» ның Гала-концерты узды
Хәтерләсәгез, март аенда, «Киләчәк» яшьләр үзәгендә ел саен үткәрелә торган «Теләче йолдызчыгы» диеп исемләнгән конкурс-фестивальнең сайлап алу туры узган иде. Әлеге фестиваль Балалар иҗат үзәге тарафыннан үткәрелә.
Гаилә елы кысаларында узучы фестиваль-конкурста 5 яшьтән алып 17 яшькә кадәрге балалар һәм иҗади гаиләләр катнашкан. Бүген район мәдәният йортында әлеге бәйгенең Гала – концертын тамаша кылдык. Шулай ук, чарада Теләче муниципаль район башлыгы Нәҗип Хаҗипов, район мәгариф бүлеге җитәкчесе Наталья Карпова да катнашты. Алар балаларга, аларның әти-әниләренә, укытучыларына зур рәхмәтләрен җиткерделәр.
- Барыгызга да чын күңелемнән рәхмәт әйтәм. Барыбыз да бүген ял иттек. Балалар җырладылар, биеделәр, барыбызның да күңелләренә барып җиттеләр. Сез чын сәхнә йолдызлары, – диде район башлыгы сәхнәгә күтәрелеп.
Концерт мизгелләрен фотоларда күрәсез. Фестиваль хакында тулырак район газетасының киләсе саныннан укып таныша алырсыз.
Зөлфия Ибраһимова.
Следите за самым важным и интересным в Telegram-каналеТатмедиа
Нет комментариев