Теләчелеләр “Хәтер шәме” акциясендә катнашты
Бүген теләгән һәркем үзәк ял паркында урнашкан Батырлар мемориал комплексы янында «Хәтер шәме» акциясендә катнаша алды.
Биредә Теләче урта мәктәбе, эчке эшләр бүлеге, “Ак Барс” банк коллективлары, тәртип саклау отрядлары һәм районның иҗтимагый оешма вәкилләре, актив райондашларыбыз бар иде.
Чарада шулай ук, Теләче муниципаль районы башкарма комитеты җитәкчесе урынбасары Динар Гиниятуллин катнашты һәм чыгыш ясады. - Күп яшь гаиләләр таркалды, балалар әтисез, хатыннар тол калды, ак өметләр өзелде, хыяллар тормышка ашмады. Туган җир азатлыгы өчен гомерен дә кызганмаган каһарманнар турындагы якты истәлекләрне онытырга хакыбыз юк. Хәтер – мәңгелек, берни дә, бер нәрсә дә онытылырга тиеш түгел, - диде ул.
Акциягә кушылучыларның кулларында янган шәмнәр иде. Мәңгелек ут янына шәмнәр, чәчәкләр куелды.
Зөлфия Ибраһимова.
Следите за самым важным и интересным в Telegram-каналеТатмедиа
Нет комментариев