« Әти белән бергә»

Балалар әтиләре, абыйлары, бабайлары белән берлектә үзләрен спорт буенча да, юл йөрү кагыйдәләрен белү буенча да​ көчләрен сынады. Балалар котлаулары белән башланган чара спорт ярышлары, татар халкының милли уенннары белән үрелеп баруы барысында да зур тәэсир калдырды.​ "Капкалы", "Тубәтәй" уеннарын уйнаганда тапкырлык ,зирәклек соралса,"Аркан тартыш" та күп көч таләп ителде.

Бәйрәм ахырында «Шофер — рульне тот туры» дип исемләнгән ярыш үткәрелде. Ярышта балаларның да, әтиләрнең дә юл йөрү кагыйдәләрен яхшы белүе ачыкланды. Файдалы да, мавыктыргыч та уеннарның саф һавада узуы катнашучыларны тагын да рухландырып җибәрде.