Эстрада йолдызлары ялларын ничек уздыра: Салават җыештыра, Илсөя белән Ландыш пешерә, Алинә ябыга (ВИДЕО)

Салават Фәтхетдинов бөтен эш коралларын, тимер-томырларын җыештырып, ялт итеп куйган. Афәрин, Салават абый, ялны аны караватка ятып, бәлеш ашап кына да уздырып була. Тәртип һәм пөхтәлек буенча да син беренчелекне бирмисең!

Ландыш Нигъмәтҗанованың оста хуҗабикә икәнен һәркем белә. Балалары ишегалдында уйнап йөргәндә (капка төбенә чыкмыйлар, ди) ул өчпочмак өлгертә. Камыр рецепты белән ул инстаграмда бүлеште:

Өчпочмак пешерү ЫСУЛЫ

1 пачка ак май (яртысын эретәбез, яртысы йомшак килеш кала)
1 стакан сыек май
2 стакан сөт
1,5 аш кашыгы шикәр комы
1 чәй кашыгы тоз
-1-2 аш кашыгы сметана
он
— Әйбәтләп басабыз, онлы да булмасын, кулга да ябышмасын
Камыры майлы булмый, кетертәп торачак, — дигән җырчы.

Баллыны бик яратмый торган Илсөя Бәдретдинова да торт рецепты белән бүлеште.

Әлбәттә, аның зифа буй-сынына аннан гына зыян килә торган түгел.

Алинә Сафиуллина фитнес белән шөгыльләнеп ята. Янында улы ярдәм итеп йөри. Әле фудблогерлыкка да күчәргә уйлап тора ахыры ул.

Кыскасы, өйдәге ялларны йолдызларыбыз файдалы итеп уздыра. Ә сез ничек уздырасыз, дуслар?

https://vatantat.ru