Авария өч кешенең гомерен өзгән
Узган төндә Татарстанда Арча – Олы Әтнә юлында коточкыч авария булган. LADA машинасы тракторга килеп бәрелгән. Өч кешенең, шул исәптән биш яшьлек баланың гомере өзелгән.
Эчке эшләр министрлыгы матбугат хезмәтеннән сөйләп үтелгәнчә, фаҗига якшәмбе – 6 августта, кичке 10нчы яртылар тирәсендә Арча – Олы Әтнә автомобиль юлының 29нчы чакрымында килеп чыккан.
“Башлангыч мәгълүматларга караганда, LADA, бик кызу килү сәбәпле, тагылма арбалы тракторга килеп бәрелгән. Тракторның арттагы утлары кабызылмаган булган”, – дип хәбәр ителә ведомствоның телеграм-каналында.
Фаҗигадә өч кешенең, шул исәптән биш яшьлек баланың гомере өзелгән. Хәзерге вакытта авариянең барлык нечкәлекләре ачыклана.
Юлларда сак булсак иде!
Чыганак: https://vatantat.ru/2023/08/119553/ Фото: https://www.freepik.com
Следите за самым важным и интересным в Telegram-каналеТатмедиа
Нет комментариев