ТР Прокуратурасы КДМУның процедураны бозып чыгарылган өч студентына институтта яңадан торгызылырга ярдәм итте.
Ведомствода сөйләүләренчә, студентлар 4 нче курста укыганнар һәм аттестация узарга җыенганнар, әмма кертелмәгәннәр. Сәбәбе-югары уку йортының локаль актларында язылмаган таләпләргә туры килмәү. Шуннан соң балаларны хәбәр итмичә генә куып чыгарганнар.
Студентлар прокуратурага мөрәҗәгать иткәннәр. Нәтиҗәдә аларны торгызганнар һәм академик бурычны ябарга мөмкинлек биргәннәр, ә университетның бер вазыйфаи затын дисциплинар җаваплылыкка тартканнар.
Хәзерге вакытта студентлар дәүләт йомгаклау аттестациясен тапшырырга әзерләнәләр.
Нет комментариев