Тычкан бизгәген ничек йоктырмаска икәнен сөйләделәр
Геморрагик бизгәк йоктыру куркынычын киметү өчен, берничә саклык чарасын үтәргә кирәк. Алар турында дача сезоны башланыр алдыннан Роспотребнадзорның Татарстан буенча идарәсе җитәкчесе урынбасары Любовь Авдонина сөйләде.
Белгеч искәрткәнчә, бу инфекциядән вакцина юк, шуңа күрә сәламәтлекне саклау бары тик гигиена кагыйдәләрен үтәүгә бәйле. Авыруның төп таратучылары-кимерүчеләр. Шуңа бәйле рәвештә ведомство тәкъдим итә:
- Азык-төлек ревизиясе: тычканнарның тереклек эшчәнлеге эзләре табылганда, өйдә калдырылган барлык азык - төлек продуктларын кичекмәстән утильләштерергә кирәк. Алга таба запасларны тыгыз ябык савытта гына сакларга кирәк.
-Имин җыештыру: өйдә, чормада һәм подвалда язгы беренче җыештыруны дезинфекцияләү чаралары (мәсәлән, хлорка) кулланып, дымлы ысул белән генә башкарырга кирәк.
-Саклану чаралары: респираторда, перчаткаларда һәм ашар алдыннан салырга кирәкле тыгыз киемдә эшләргә кирәк.
-Участокны төзекләндерү: территорияне ауган агачлардан, коры-сары һәм биек үләннәрдән чистарту, шулай ук биналарны даими җилләтү мөһим.
Чыганак:нтр24
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев