Әгәр дә балагыз бер генә тапкыр булса да рөхсәтсез чит кеше әйберенә кагыла икән, түбәндәге киңәшләрне үтәргә тәкъдим итәбез: * Баланы полиция яки аннан да бигрәк төрмә белән куркытмагыз! Ул гаебен төзәтергә мөмкин булуын һәм сез аның яклы икәнне тоярга тиеш. Бу очракта гына баланың үз-үзенә ышанычы артачак. * Бала...
Әгәр дә балагыз бер генә тапкыр булса да рөхсәтсез чит кеше әйберенә кагыла икән, түбәндәге киңәшләрне үтәргә тәкъдим итәбез:
* Баланы полиция яки аннан да бигрәк төрмә белән куркытмагыз! Ул гаебен төзәтергә мөмкин булуын һәм сез аның яклы икәнне тоярга тиеш. Бу очракта гына баланың үз-үзенә ышанычы артачак.
* Бала янында "кыңгыр" эшләрегез турында сөйләмәгез. "Әти-әнигә ярагач, миңа да рөхсәт ителә", - дип фикер йөртә башлавы бар. Өлкәннәр үзләре үрнәк күрсәтергә тиеш.
* Чит кеше әйберенә тигән баланы ят күзләр янында сүгәргә ярамый. Бу аның ачуын кабартачак кына.
* Балага кайчандыр чит кеше әйберен рөхсәтсез алуы турында гел исенә төшереп торырга киңәш ителми. Искегә тисәң, исең китәр, ди халык мәкале.
* Баланы ныклы контрольгә алып маташмагыз. Мондый бала-чага алдаша башларга ихтимал.
* Акчасызлыктан зарланмагыз. Балагызга акчаның кадере турында аңлатыгыз. Кибеткә бергәләп йөрсәгез дә әйбәт.
("Ватаным Татарстан", /№ 27, 23.02.2018/)
Нет комментариев