“Теләче Агро” ширкәтенең Иске Җөри бүлекчәсе шоферы Илдар Гыйниятуллин 1974 елдан бирле шушы игелекле хезмәттә

Ул автомобиль белән үткән чакрымнарны исәпләсәң, Җир шарын берничә тапкыр әйләнеп чыгарга җитәдер. "Теләче Агро" ширкәтенең Иске Җөри бүлекчәсе шоферы Илдар Гыйниятуллин 1974 елдан бирле шушы игелекле хезмәттә. Нинди генә маркалы автомобильдә эшләмәсен, ул аларны һәрчак төзек һәм пөхтә йөртә, кеше гозерен дә тыңлый белә, берәүне дә юлда калдырмас. Агымдагы елда ул районда нәтиҗәле эшләгән шоферларның берсе булып танылды. "Тиккә генә юл йөрүне гүр газабы белән тиңләмиләр. Эш дәверендә барысын да күрергә туры килде. Әмма башка килгән авырлыкларны, сынауларны зур сабырлык белән үткәрә белергә кирәк", - ди тәҗрибәле шофер.