Файдалы киңәшләр
Алма коймагы
200 грамм он, 1 стакан сөт, 1-2 данә йомырка, 2 алма, 0,5 чәй кашыгы сода, 2-3 аш кашыгы шикәр комы, 1 чеметем тоз, үсемлек мае (кыздырганда) кирәк.
Йомыркаларны тирән эчле савытка сытып, шикәр комы һәм тоз өстибез дә барысын бергә болгатабыз. Катнашмага сөт салып, яхшылап туглыйбыз. Онны, иләп, болгата-болгата, аз-азлап салабыз. Соданы аш серкәсе белән “сүндереп”, камырга кушабыз. Яхшылап болгатабыз. Алмаларны кабыгыннан, төшләреннән чистартып, эре угыч аша чыгарабыз. Уылган алманы камырга салып туглыйбыз. Коймакларны табага үсемлек мае салып пешерәбез (сүрәнрәк утта һәр ягын 2-3 минут чамасы кыздырырга).
Чыганак: https://vatantat.ru/2019/09/5235/
Следите за самым важным и интересным в Telegram-каналеТатмедиа
Нет комментариев