Йомырканы кетәклектән алып керүгә ашарга кирәк

– Йомырканы салкынча урында яисә тоз эчендә сакларга кирәк.

– Йомырканың сарысы аеруча файдалы. Ул тулысынча диярлек эшкәртелеп, файдалы матдәләргә бүленеп бетә. Йөрәкне, баш миен һәм тәнне ныгыта; күкрәкне, үпкәләрнең эшчәнлеген яхшырта; ашказаны, эчәк, сидек куыгы авыруларын дәвалый; күп кан югалткан кешеләрнең хәлен яхшырта.

– Тавышны чистарту өчен, сидек куыгы эчтән янганда чи йомырка сарысы эчәләр. Ләкин чи йомырка сарысы зарары да бар: бөерләргә таш утырырга, тәнгә бетчәләр чыгарга мөмкин.

– Йомырканы ярым пешкән килеш ашарга кирәк. Моның өчен аны кайнар суга салгач, 100гә хәтле санарга кирәк. Шул чакта йомырка пешәр-пешмәс була. Ә иң яхшысы – йомырканы сытып, суда яисә сөттә пешерү.

– Тән пешкәндә чи йомырка сөртергә кирәк. Ул аны тиз төзәтә.

Чыганак: https://vatantat.ru/2023/03/106932/

Фото: https://www.freepik.com