ТӘҺАРӘТНЕ НӘРСӘ БОЗА?

— Әгәр кеше тәһарәтен бозмый йөрсә, ул шушы тәһарәте белән теләгән кадәр намаз укый ала. Ашау-эчү тәһарәтне бозмый. Кеше ашаганнан соң намаз укырга җыенса, ризык калдыкларыннан арыну өчен, авызын чайкарга тиеш. Тәһарәтне боза торган сәбәпләргә килгәндә, болар — тәннән чыккан нәҗес, кече яки олы йомышны үтәү, авыз тутырып косу, борын канау, җәрәхәттән эрен-кан агу, ятып яки сөялеп тирән йокыга китү, намаз эчендә кычкырып көлү. Шулай ук кеше аңын югалтып егылса да, тәһарәте бозылган була.

Чыганак:https://vk.com/irekmaydani

Фото: интернеттан