Теләче балыкчылары, сез дә сак булыгыз!

Казанда Кабан күлендә бер балыкчы боз астына киткән һәм батып үлгән. Ир-атның шәхесе билгеләнә. Бу хакта «Татар-информ»га ТР буенча Россия ГТХМ Баш идарәсе матбугат хезмәтендә сөйләделәр.

9 апрель көнне 23.01 сәгатьтә коткаручыларга Кабан күлендә Төмән урамы буенча 34нче йорт каршында балыкчылар ярдәмгә чакыра, дигән хәбәр килгән.

Урынга 2 нче ЗПСО коткаручылары килгән. Алар Яр линиясен карап чыкканнар һәм шаһитларны сораштырганнар. Ул вакытта яр буенда су, ә аннан 40 метр ераклыкта кар боткасы. Коткаручылар суга көймәдә йөзеп  керә. Тик беркемне дә тапмыйлар.

Аннары балыкчыны эзләүгә водолазлар керешә. 15.30 да ярдан 150 метр ераклыкта сигез метр тирәнлектә ир-атның гәүдәсе табыла. Аның шәхесе билгеләнә.

Балыкчының 9 апрель иртәсендә күлгә килүе дә ихтимал, ул чакта бозга чыгарга мөмкин иде әле. Әмма температура күтәрелү сәбәпле, боз эреп ир боз астына киткән.