15 декабрь көнне Лесной бистәсендә сәхнәләштерелгән Боз озату йоласыннан фоторепортаж

"Уятмакчы булсаң халык күңелләрен" исемле фестиваль кысаларында районыбызның һәр авылында диярлек концерт-тамашалар куелды.

Әлеге тамашаларда авылларның үзешчәннәре халкыбызның төрле борынгы йолаларын сәхнәләштереп күрсәттеләр.

Концертлар һәр авылда үзенчә кызыклы һәм үзенчәлекле, кабатланмас булып чыкты. Аулак өйләрне шактый авыл сәхнәләштерде, ә менә Лесной бистәче үзешчәннәре оригиналь идеяне тормышка ашырганнар - алар Боз озату йоласын уйнап күрсәттеләр.

Аңлашылганча, биредә яз көне ташу вакытында елгалардан бозлар аккан вакытта үткәрелә торган җырлы-биюле йола турында сүз бара. Бик кызыклы килеп чыкты әлеге чара.

Шул булып узган концерттан фотоларны сезнең игътибарга да тәкъдим итәбез.

Фәнил Нигъмәтҗанов фотолары