"Эхо Москвы" радиосы эфирында "Татарча сөйләшәбез" тапшыруы барлыкка киләчәк. Бу турыда узган көн кич булган "Суть событий" тапшыруында "Эхо"ның баш мөхәррире Алексей Венедиктов хәбәр итте. Моны "Матбугат.ру" хәбәрчесе үзе ишетте.
- Хәзерге вакытта, Бурятиядә булганда, без Улан-Удэдагы, рус телендә эшләп килгән, "Эхо Москвы"да "Бурят телендә сөйләшәбез" дигән зур булмаган тапшыру чыгарырга килештек. Ә мин, без әзер булгач, "Татарча сөйләшәбез" дигән кечкенә генә тапшыру чыгарырга дигән карар кабул иттем," - диде Алексей Алексеевич.
Венедиктов татарларны Мәскәүдәге өченче этнос дип билгеләп үтә, шуңа күрә дә мондый тапшыруны эшләп карарга кирәк дип саный. "Башта зур булмаган тапшыру. Ә аннары үзен ничек күрсәтер. Әлегә тапшыру өчен туры килерлек кешеләр эзлибез" - ди ул.
http://matbugat.ru/news/?id=23086
Нет комментариев