Безнең малайлар икенче

17-18 февраль көннәрендә Теләче хоккей мәйданчыгында "Алтын алка" Кубогы призына 2000-2001 елларда туган малайлар арасында республика беренчелегенең зона туры булып узды. Турнирда Алексеевск, Арча, Тәтеш, Теләче, Кайбыч, Балтач, Аксубай, Тукай районнары командалары көч сынашты. Финалда өченче урын өчен Балтач командасы белән Кайбыч командасы, беренче урын өчен Теләче һәм Арча районы командалары уйнады. Балтачлылар кайбычлыларны 2:1 исәбе белән отса, безнекләр арчалыларга 4:0 исәбе белән оттырды.