Гаилә, Мәхәббәт һәм тугрылык көнендә Татарстанда 536 пар язылыша

8 июль - Бөтенроссия гаилә, мәхәббәт һәм тугрылык көне. Әлеге бәйрәм кысаларында 8-11 июль көннәрендә Татарстанның барлык муниципаль берәмлекләрендә 536 пар язылыша (8 июль көнне - 74 теркәлү). Шулай ук республика халыкларының милли традицияләренә нигезләнгән туй йолалары, көмеш, алтын һәм бриллиант туйларын бәйрәм итүчеләрне хөрмәтләү, бала (гаилә) капиталы сертификатлары тапшыру тантаналары уздырыла. Бу көнне республиканың кимендә 25 ел бергә гомер кичереп, медицина, фән һәм мәгариф, спорт, мәдәният һәм сәнгать һ.б. юнәлешләр үсешенә мөһим өлеш керткән 70 үрнәк парына зур хөрмәт күрсәтеләчәк. Аларга, традицион рәвештә, "Мәхәббәт һәм тугрылык өчен" медале тапшырыла.