Белгеч: Баланың наркотиклар куллануын берничә билге буенча ачыкларга мөмкин
«Беренче чиратта, үз-үзен тотышы, кәефе, аппетиты кискен үзгәрү, өйдән көтмәгәндә чыгып китү, аңлаешсыз кешеләр белән элемтә һәм, мөгаен, уку, аралашу кебек башка өлкәләргә кызыксынуы югалу», — диде Татарстанда балаларның психологик сәламәтлегенә багышланган туры эфир вакытында Бехтерев исемендәге Республика клиник психиатрия хастаханәсенең «Сердәш 129» медицина-психология хезмәте мөдире Юрий Калмыков.
Ул әти-әниләрне балаларына игътибарлырак булырга һәм шундый үзгәрешләрне истә тотарга чакырды.
«Мин аңлаешсыз исереклек турында әйтеп тә тормыйм: исерткеч эчемлек исе юк, ә үз-үзен тотышы адекват түгел. Бу, әлбәттә, борчылуга сәбәп», — дип өстәде Калмыков.
Чыганак: https://tatar-inform
Фото: интернеттан
Следите за самым важным и интересным в Telegram-каналеТатмедиа
Нет комментариев