Кар суларыннан, ташулардан сак булыйк!

Әмма язга хозурланып күккә түгел, җиргә карап йөрергә онытмыйк әле. Әнә кояш нурларында җем-җем килеп яткан кар җәймәләре астында куышлар хасил булган. Ялгыш кына бастыңмы, төшеп тә китәсең дигән сүз. Ә быел кар көртләре тирән. Елга, күлләрдә бозлар да инде калын күренсәләр дә, куркыныч. Сак булыйк, якыннарыбызны да кисәтик. Юкка гына халык: “Бәла аяк астында”, – димиләр бит. 

Су басу куркынычы булган авыллар безнең районда да бар. Алар: Караширмә, Үзәк һәм Алан авыллары.  Язгы ташу чорында Екатериновка авылы елның-елында су чолганышында кала, атна - ун көн юл өзеклеге барлыкка килә. Авыл халкы алдында бер айлык азык туплап кую зарурлыгы килеп баса. Язгы ташу чорында биредә янгын сүндерү машинасы һәм ике янгын сүндерүче кизү торачак.

Фото: https://www.freepik.com