Мактаулы остазның көчле шәкертләре

70 килограммнан югары үлчәүдә (16-18 яшьлекләр арасында) кул көрәштергән Азалия Җамалиева (Алан авылыннан) уң кул белән 6, сул кул белән 2 урынга лаек булды. Гомуми зачетта Азалия 3 урынны яулады.  Әлеге җиңүе белән Азалия Россия спорт остасына кандидатлык нормасын үтәде. 

65 килограммга кадәр үлчәү авырлыгында (19-23 яшьлек егетләр һәм кызлар арасында) чыгыш ясаган Гөлфинә Хәбирова (Алан авылыннан) уң һәм сул кул белән дә икенче урынга чыкты. Гомуми зачетта да ул икенче урынга лаек булуга иреште.

16-18 яшьлек егетләр һәм кызлар арасында үткәрелгән ярышта Татарстан Республикасы җыелма командасы икенче, ә 19-21 яшьлек егетләр һәм кызлар арасында үткәрелгән ярышта икенче урынны яулады.  Әлеге уңышта “Теләче” спорт мәктәбенең югары категорияле тренеры Айрат Әхмәт улы Кыямов һәм аның шәкертләренең өлеше дә бик зур. Аларны чираттагы зур җиңүләре белән ихлас котлыйбыз һәм киләсе ярышларда да уңышлы чыгыш ясауларын, имин бәйгеләр теләп калабыз.

Күптән түгел  Татарстан Республикасының Атказанган физкультура һәм спорт хезмәткәре Айрат Әхмәт улы Кыямов үзенең гомер бәйрәмен - 60 яшьлек юбилеен билгеләп үтте. Әлеге уңайдан аңа йөзләгән шәкертләре һәм газета укучылар исеменнәнихлас тәбрикләүләрне юллыйбыз. Айрат абый! Эшегездә уңышлар, ныклы сәламәтлек, гаилә бәхете, балалар, оныклар куанычы, хәләл җефетегез Гөлсинә ханым белән тигезлектә яшәвегезне, хәерле гомерләр теләп калабыз. 

Фәнил Гаязов.