Өлкәннәр көне уңаеннан беренче номерлы балалар бакчасында күңелле бәйрәм узды

Әлеге чарага балалар бакчасында тәрбияләнүче балаларның кадерле кешеләре белән бергә бакчада күп еллар фидакарь хезмәт куйган өлкәннәр дә чакырулы иде. Бүгенге тыңгысыз көннәрдә безнең якты,матур киләчәгебез өчен тырышкан якыннарыбызны сөендереп, нәниләребез матур шигырьләр, эчтәлекле җырлар, биюләр бүләк итте. 

Хөрмәтле өлкәннәребез, сабырлыгыгыз өчен һәммәгезгә дә зур рәхмәт! Алдагы көннәрегез кояшлы, якты, гомер юлыгыз бәхетле, саулыгыгыз нык булсын!