Иганәче призына ярыш
Бу минутларда “Батыр” спорт комплексында Рафис Рәшит улы Зиннәтов иганәсенә 2010 елда туган һәм аннан кечерәк яшьтәге кызлар арасында Теләче муниципаль районы беренчелегенә ачык волейбол ярышлары бара. Турнирда Теләче -1, Теләче - 2, Арча һәм Менделеевск районнары командалары көч сынаша.
Ярышларны ачу тантанасында муниципаль район башкарма комитеты җитәкчесенең социаль мәсьәләләр буенча урынбасары Динар Гыйниятуллин катнашты һәм чыгыш ясады. Тантанада ярышларның иганәчесе Рафис Рәшит улы Зиннәттов районда волейбол спортын үсеп килүче буын арасында үстерүдә һәм популярлаштыруда үзеннән зур өлеш керткәне һәм иганәчелек ярдәме күрсәткәне өчен районның спорт һәм яшьләр эшләре бүлегенең Рәхмәт хаты белән бүләкләнде. Без - теләчелеләр, Рафис Рәшит улын шулай ук оста уенчы буларак та беләбез. Яшьлегендә Теләче урта мәктәбе, Теләче авыл җирлеге командалары составында актив уйнаса, хәзер исә ветераннар волейбол командасының әйдәп баручы уенчысы.
Фәнил Гаязов
Следите за самым важным и интересным в Telegram-каналеТатмедиа
Нет комментариев