Райондашларыбыз иҗаты

Ачулы көз!!

Бик ачулы быелгы көз,ниләр булган.
Ничә еллар түзгән күңеле әллә тулган.
Бу болганчык,тотырыксыз заманадан,
Ялганнардан,алдаулардан әллә туйган.

Бик ачулы быел көзләр,ниләр булган,
Сагыш белән,әрнү белән дөнья тулган.
Агачларын җиргә хәтле ия,ия
Ачу белән дулый тышта көзге буран.

Аңлатырга тели сыман көзге буран,
Дөнья матур,дөнья ямьле,дөня иркен.
Акылга кил адәм заты барда кала
Бу дөньяның һәр мизгеле алтынга тиң.