Танылган көрәшче һәм волейболчы Закиров Фәрхәт Шәйхулла улы истәлегенә волейбол ярышы узды

Турнирны ачу тантанасында Фәрхәт Шәйхулла улы турында бик күп җылы сүзләр әйтелде.
Иртәдән кичкә кадәр барган бәйгедә 5 авылдан (Олы Мәтәскә, Алан, Балыклы, Лесной, Теләче) 7 команда көч сынашты. Нәтиҗәләр:
1 урын - “Мәтәскә яшьләре"
2 урын - "Закировлар-Әхмәтҗановлар"
3 урын - "Лесной"
4 урын - "Алан 1"
Җиңүче командалар кубок, медальләр һәм акчалата премия белән бүләкләнде.
Ярышны оештыруга зур өлеш керткән иганәчеләр: Фәрхәт абыйның балалары - Закировлар, Галимовлар, Мөбараковлар гаиләләренә, бертуган абый-энеләренә һәм сеңлесенең гаиләсе Әхмәтҗановларга бик зур рәхмәт! Барсының да ярдәме Фәрхәт абыйның рухына дога булып ирешсен һәм үзләренә савап булып әйләнеп кайтсын, Амин!