Теләче 2нче балалар бакчасында экологик акция узды
Теләче 2нче балалар бакчасы кулланылган батареяларны җыю буенча экологик акциядә актив катнашты. Әлеге акция балаларны әйләнә-тирә мөхитне пычрату һәм экологик культура дәрәҗәсен күтәрү проблемаларына җәлеп итү максатыннан үткәрелә.
Акция нәтиҗәләре буенча барлыгы 30 килограммнан кулланылган батарея җыелган, аннан соң алар махсус ысул белән әйләнә-тирә мохиткә зыян китермичә утильләштереләчәк.
Әлеге акция балалар бакчасында яхшы традициягә әверелер дип өметләнәбез, чөнки экологик акцияләрдә катнашып, балалар үзләре һәм тирә-юнь дөньясы турында кайгыртырга өйрәнәләр. Бакча коллективы балалар бакчасы тормышында актив катнашканнары өчен барлык балаларга һәм ата-аналарга рәхмәтен белдерә!
Следите за самым важным и интересным в Telegram-каналеТатмедиа
Нет комментариев