Янгынны сүндерүгә караганда кисәтү җиңелрәк.

Теләченең беренче номерлы балалар бакчасында янгын куркынычсызлыгы буенча " Ут белән уйнарга куркыныч - бу һәркемгә ачык булырга тиеш!»дигән чара узды. Максаты-балаларның янгын куркынычсызлыгы кагыйдәләре һәм янгын вакытында үз-үзеңне тоту кагыйдәләре турында белемнәрен ныгыту, балаларны янгын сүндерү һөнәре һәм аның үзенчәлекләре белән таныштыру.

Чара барышында балалар янгын куркынычсызлыгы кагыйдәләре турында шигырьләр сөйләделәр, төрле конкурсларда катнаштылар һәм уен формасында экстремаль хәлләрдә нишләргә кирәклеге турында белемнәр алдылар. Тәрбиячеләр балаларга янгын чыгу сәбәпләре һәм беренчел янгын сүндерү чаралары турында, шырпы белән уйнасалар, нинди куркыныч нәтиҗәләр барлыкка килергә мөмкин икәнлеге турында җентекләп сөйләделәр. Электр җылыту җиһазлары һәм электр приборлары белән куркынычсызлык кагыйдәләренә аерым игътибар бирелде. Саба һәм Теләче муниципаль районнары буенча күзәтчелек һәм профилактик эшләр буенча районара бүлекчәнең эчке эшләр подполковнигы Хакимуллин Л.М.та  кунакта булып балалар белән кызыклы әңгәмә уздырды. Балаларга подполковникның табышмакларына җавап бирү бик ошады.Чара янгын вакытында үз-үзеңне тоту кагыйдәләре турында мультфильм күрсәтү белән тәмамланды. Эшчәнлек бик җанлы узды һәм балаларда онытылмас тәэсирләр калдырды.