Зур әзерлек алып барыла
11-13 июнь көннәрендә республикабыз районнарында, шул исәптән безнең Теләчедә милли бәйрәмебез Сабантуйлары гөрләячәк.
Хәзер 11 июнь көнне район үзәге - Теләчедә булачак Сабантуйга зур әзерлек эшләре алып барыла. Мисал өчен, бу көннәрдә район мәдәният йорты каршындагы мәйданда районыбыз хореографлары - Зилә Баева, Зәринә Хәкимова һәм Гөлназ Сәмигуллиналар җитәкчелегендә масскүләм чыгышлар өчен балалар белән репитицияләр алып барыла. Әлеге фоторәсемнәрдә сез көндәлек репитицияләр вакытын күрәсез.
Укучы балаларга һәм аларның җитәкчеләренә милли бәйрәмебез Сабантуйда лаеклы чыгыш ясауларын, бәйрәм кунакларын үзләренең матур, дәртле чыгышлары белән сокландыруларын теләп калабыз.
Фәнил Гаязов.
Следите за самым важным и интересным в Telegram-каналеТатмедиа
Нет комментариев