Автоинспекция кызган машинадагы эсселекнең алкоголь кебек тәэсир итүе турында кисәтә

Җылылыкның организмга тәэсире алкоголь тәэсире белән охшаш. Машина салонында температура күтәрелгәч, шофер тизрәк арый, аның игътибары тарала һәм йокымсырый башлый. Ә бу юл-транспорт һәлакәтенең куркынычын нык арттыра.

ЮХИДИ шоферларга иркен өс киеменнән булырга, күбрәк сыеклык эчәргә, машиналарын күләгәдә урнаштырырга, алгы пыяланы махсус экран белән ябарга, яңадан хәрәкәтне автомобиль салонын интенсив җилләткәннән соң гына башларга һәм бернинди очракта да салонда балаларны һәм йорт хайваннарын калдырмаска киңәш итә.

Чыганак: https://tatar-inform.tatar/news/avtoinspekciya-kyzgan-masinadagy-esseleknen-alkogol-kebek-taesir-itue-turynda-kisata-5874558

Фото: https://www.freepik.com