Фатирда салкын булса, кая мөрәҗәгать итәргә
Кышын торак йортларда һава температурасы кайвакыт нормага туры килми. Татарстан буенча Роспотребнадзорда мондый ситуацияләрдә нишләргә кирәклеге турында сөйләделәр.
Ведомствода искәртүләренчә, елның салкын чорында торак биналарда һава температурасы +18 градустан түбән булмаска тиеш. Әгәр ул түбәнрәк булса, хезмәт күрсәтүче оешмага мөрәҗәгать итәргә кирәк, аның бурычларына ремонт үткәрү һәм җылыту системасына хезмәт күрсәтү керә.
Әгәр хезмәт күрсәтүче оешма чаралар күрмәсә, Дәүләт торак инспекциясенә һәм Роспотребнадзорга язма гариза язарга кирәк. Әгәр бинада җылылык җитмәү турындагы мәгълүмат расланса, хезмәт күрсәтүче оешмага карата таләпләрне бозуга юл куймау максатыннан чаралар күреләчәк.
Чыганак:кичкеказан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев