Республика мәчетләрендә бәйрәм намазлары узды
20 март иртәсендә, 6:30 сәгатьтә, Татарстан мәчетләрендә Коръән аятьләре укыла башлады — дин тотучылар изге Рамазан аеның тәмамлануын белдерүче Ураза бәйрәмен каршы алдылар.
Татарстан рәисе Рөстәм Миңнеханов Биектау районының Айбаш авылындагы төзекләндерелгән агач мәчеттә бәйрәм намазында катнашты. Тантаналы вәгазьне ТР мөселманнары Диния нәзарәте рәисе, Татарстан мөфтие Камил Сәмигуллин үткәрде.
Гыйбадәт вакытында мөфти Россия Президенты Владимир Путинның котлавын һәм Рөстәм Миңнехановның мөрәҗәгатен укыды. ТР Рәисе билгеләп үткәнчә, быел борынгы Казан Ураза бәйрәмен ислам дөньясының мәдәни башкаласы буларак билгеләп үтә.
Мөфти үзенең вәгазендә Рамазан аеның яхшы сыйфатлары, ураза тотуның кыйммәтләре турында сөйләде һәм дин тотучыларны Изге ай тәмамланганнан соң да изге гамәлләр кылырга өндәде.
Чыганак: новости татарстана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев