Татарстанда соңгы атнада ОРВИ һәм гриппның 14 587 очрагы теркәлгән. Роспотребнадзорның республика буенча идарәсе мәгълүматлары буенча, бу күрсәткеч эпидемия бусагасыннан 6 процентка кимрәк.
Белгечләр билгеләп үткәнчә, хәзер әйләнештә булган респиратор вируслар арасында негриппоз кузгаткычлар өстенлек итә. Эпидемия булмауга карамастан, табиблар вакцинацияне кичектермәскә киңәш итә, чөнки нәкъ менә хәзер прививка ясау һәм үзеңне авыр авырудан саклау өчен иң оптималь вакыт санала.
Прививка ясату кампаниясе башланганнан бирле республикада 639 642 кешегә, шул исәптән 147 419 балага вакцина ясалган. Табиблар иммунизация сезонлы инфекцияләрдән һәм аларның катлаулануларыннан саклануның иң нәтиҗәле ысулы булып кала, дип саный.
Нет комментариев