Татарстанда ике чистарту объекты төзеләчәк
Биектау районының Чыпчык һәм Коркачык авылларында чистарту корылмалары челтәрләр белән төзеләчәк. Шулай ук Ютазы районының Урыссу шәһәр тибындагы бистәсендә биологик чистарту корылмалары салыначак.
Ике объектны да төзү алты ай эчендә — 2026 елның 1 декабренә кадәр тәмамлау планлаштырыла.
Биектау районының ике авылындагы чистарту объектлары 448 миллион сумга бәяләнә. Тагын 434 миллион сум Урыссудагы биологик чистарту корылмаларын төзүгә юнәлтеләчәк. Бу объект составына административ-көнкүреш корпусы, модуль канализация насос станциясе, тышкы челтәрләр һәм ярдәмче корылмалар керәчәк.
Чыганак:татаринформ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев