Теләче Информ

Теләче районы

18+
2024 - Гаилә елы
Язмалар

Тавыш бетсә, нишләргә?

Тавыш бетү еш кына салкын тию белән бәйле була. Күпләр аны халык медицинасы ярдәмендә өйдә дә дәвалый. Түбәндәге киңәшләр бу авыруны юкка чыгару өчен ярдәм итәр.

* 2 аш кашыгы йөземне 250 миллилитр кайнар суга салып, 5 минут тирәсе кайнатырга һәм суытырга кирәк. Арытаба кайнатма өстенә 1 аш кашыгы суган суты салалар. Шуны көненә берничә тапкыр 2 аш кашыгы эчәргә кирәк.

 

* 4-5 миллиметр керән тамырын кыргычтан уыгыз һәм ярты стакан суда кайнатыгыз. Уттан алып, ярты сәгать тотканнан соң, бал салып, берәр чәй калагы эчәргә кирәк. Никадәр еш эчсәгез – шулкадәр тизрәк файдасын күрерсез.

 

* Тамак авырткан вакытта бик күп сыекча эчәргә киңәш итә табиблар. Аңа бал кушу – тавышның килеп чыгуына булышлык итә. 1 аш кашыгы вакланган бака яфрагы өстенә 250 миллилитр кайнар су салырга һәм суытырга кирәк. Аның өстенә 1 чәй калагы бал салыгыз. Шуны көненә өч тапкыр эчәргә кирәк.

 

* 2 аш кашыгы әнисне бер стакан кайнар сөткә салыгыз һәм 8-10 минут талгын утта кайнатыгыз. Кайнатма бераз суынгач, өстенә 1 чәй калагы бал салырга кирәк. Берәр аш калагы эчү бик файдалы. Моннан тыш, әнис белән ингаляция эшләү дә нәтиҗәне озак көттермәс. Моның өчен әниснең орлыгын ярты сәгать 1 стакан кайнар суда тоталар һәм шуңардан ингаляция эшлиләр.

 

* 2-3 кишерне кыргычтан үткәреп, ярты литр сөттә кайнатыгыз да бераз суытыгыз. Кайнатманы эчәргә дә, тамак чайкату өчен кулланырга да ярый.

 

* Алоэ гөленең 3-4 яфрагының сутын алыгыз һәм шул ук күләмдә су белән болгатыгыз. Катнашма белән тамакны чайкаталар. Моннан тыш, акмай ашау да тамак авыртуын баса, ди халык медицинасы.

 

Чыганак: http://kiziltan.ru/poleznoe/10801-tavysh-bets-nishlrg.html

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X