Теләче районы “Алан” ширкәтенең алыштыргысыз механизаторы

Каюм Мөхәммәтҗанов җаваплылыгы чикләнгән "Алан" ширкәтенең алыштыргысыз механизаторларының берсе. 40 елга якын шушы авыр хезмәттә ул. Язын, көзен тырма, сука тагып җир эшкәртсә, җәйләрен сенаж, силос тыгызлап үткәрә. Кышларын исә эттергеч тагып, авыл ураманарын кардан арындыра. Әйтергә генә ансат: гомереңне чылбырлы ДТ- 75 траторында эшләп үткәреп кара әле?! Хәзер яшьләр тәгермәчле тракторда да эшләргә атлыгып тормый. Каюм аганың ил-көн алдында куйган хезмәте биниһая. Быел аның хезмәтен калада да олыладылар. Каюм Мансур улы 7 октябрь көнне, ун райондашыбыз белән беррәттән, "Корстон" мәдәни күңел ачу комплексында узган "Уңыш бәйрәме"нең кадерле кунагы булды.