Югары Мәтәскә авылы мәдәният йорты каршындагы кар сыннары белән танышабыз

Яңа ел бәйрәме җитә. Югары Мәтәскә авыл клубы каршындагы мәйданны инде кардан, боздан матур сыннар бизи. Әлеге матурлыкны тиен кебек бөтерелеп кенә йөрүче, әле тегесен, әле монысын оештыручы, тынгысыз клуб мөдире Сәрия Гарипова тудырган. Дөрес, бу эштә аңа авылдашлары, туганнарының да ярдәме тими калмагандыр.

Ел дәвамында бу клуб эче гөлләргә күмелгән. Җәен әйләнә-тирәсендә аллы-гөлле чәчәкләр булса, кышын төрле сыннар каршы ала. Моның матур мисалын сез фотоларда күрәсез.

Сезнең игътибарга көндез һәм кичке якта чыршы яктысында төшергән фотоларны тәкъдим итәбез.

Люция Гарипова һәм Раил Рәшитов фотолары