Мәчеттән акча урлап спиртлы эчемлекләр сатып алган

Арчадагы мәчетләрнең берсенә И. Гарифуллин төнлә исерек хәлдә акча урларга дип килә. Ул мәчеткә кергәндә куелган тартманың йозагын ватып, 7 мең сумнан артык акча урлый. Әмма икеләтә сакланышы булган тартмадагы барлык акчаны урлап бетерә алмый. Акчаны, нигездә, спиртлы эчемлекләр алуга тота.

Суд аны 1 ел 6 айга төзәтү эшләренә хөкем итте. Әлеге җәзаны ул җирле үзидарә органы белән җәзаларны үтәтү инспекциясе килешеп билгеләгән урыннарда үтәячәк. Суд карары әлегә законлы көченә кермәгән, дип белдерә Арча җирле басмасы.

Реклама

Татар-информ