Интернет-кибеттән алынган товарны кире кайтарып буламы
Безнен редакциягә кулланучыдан сорау керде. Интернет-кибеттән алынган тиешле сыйфатлы товарны кире кайтарып буламы? Кулланучылар хокукларын яклау турындагы законнарга аңлатма бирүен сорый ул. Ир-ат маркет-плейста смартфон сатып алган. Икенче көнне үк аңа күбрәк функциональ телефон бүләк иткәннәр.
Җавапны Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге житәкчесе Ләйсән Абдуллина бирде.
- Кулланучы «Кулланучылар хокукларын яклау турында» РФ Законының 26.1 маддәсе нигезендә сатып алучы товарны тапшырганчы теләсә кайсы вакытта, ә товарны тапшырганнан соң 7 көн дәвамында товардан баш тартырга хокуклы. Тиешле сыйфатлы товарны кире кайтару тәртибе һәм сроклары турында мәгълүмат товарны китерү вакытында язма рәвештә бирелмәгән очракта, сатып алучы товарны тапшыру вакытыннан алып өч ай эчендә товардан баш тартырга хокуклы.
Ваклап сату-алу шартнамәсе буенча товарларны сату кагыйдәләренең 41 пункты нигезендә, техник яктан катлаулы көнкүреш товарын дистанцион ысул белән сату ысулы белән аның куллану үзлекләре һәм товар күренеше, күрсәтелгән товарны сатып алу фактын һәм шартларын раслый торган документ сакланып калган очракта кире кайтару мөмкин.
Кулланучы товардан баш тарткан очракта, сатучы аңа кулланучы тарафыннан шартнамә буенча түләнгән акчалата сумманы, сатучының кире кайтарылган товарны кулланучыдан китерү чыгымнарыннан тыш, кулланучы тиешле таләп куйган көннән алып ун көннән дә соңга калмыйча, кире кайтарырга тиеш.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев