Россия хезмәт һәм социаль яклау министры Максим Топилин хатын-кызларның пенсия яше 5 түгел, ә 8 елга арту сәбәбен хатын-кызларның озаграк яшәве белән бәйләп аңлата.
Гаилә тормышында авырлык күбрәк хатын-кызлар җилкәсенә төшкәнлектән, Хөкүмәт яшь аерымлыкларын саклады, ди Топилин "Россия-24" каналына биргән интервьюда.
Алдан пенсиягә чыгу каралган урыннарда эшләүчеләргә реформа кагылмаячак.
"Шахтер, пилот, диспетчер, машина йөртүчеләр кебек аерым категория һөнәр ияләре вакытыннан алда пенсиягә чыга ала. Аларга пенсия яшен үзгәртү вәзгыяте берничек тә кагылмый", — ди Топилин.
Нет комментариев